წიგნები, პუფები და დაფა სოფელ ტბეთის სკოლისთვის

წალკის რაიონის სოფელ ტბეთის საჯარო სკოლით სარგებლობს მხოლოდ 35 მოსწავლე, რადგანაც აქ მხოლოდ ექვს კლასამდე აქვთ მოსწავლეებს სწავლის საშუალება. სკოლის ფუნქციონირების განმავლობაში მოსწავლეებს არ ჰქონიათ საშუალება ჰქონოდათ ბიბლიოთეკა ან სამკითხველო სივრცე, სადაც თავისუფალ დროს შეძლებდნენ შეკრებას და ლიტერატურის განხილვას. აღნიშნული პროექტი შეცვლის ტბეთის მოსწავლეების სასკოლო ცხოვრებას – მათ შეეძლებათ ისარგებლონ ფერადი სივრცით, სადაც დასხდებიან და ისაუბრებენ მათ თემზე, ინტერესებზე და მიზნებზე. მათ მიეცემათ შანსი სასკოლო საგნების გარდა, წაიკითხონ სხვადასხვა ლიტერატურა, რა თქმა უნდა, მათ ასაკზე მორგებული წიგნები და ასე გაიფართოვონ წარმატებისკენ მიმავალი გზა. შეიძლება ითქვას რომ მოცემული სივრცე გახდება სკოლის სავიზიტო ბარათი და მოიტანს სარგებელს იმ კუთხითაც, რომ ტბეთის მოსახლეობა აღარ იფიქრებს შვილების სხვაგან გადაყვანაზე და ამით სკოლა უპრობლემოდ გააგრძელებს ფუნქციონირებას და ვინ იცის, იქნება საშუალო სკოლადაც ჩამოვყალიბდეთ.